Amerikalik milliarder Gleyzerlar oilasi "Manchester Yunayted"ning oz miqdordagi ulushini sotishi mumkin.
The Telegraph xabariga ko‘ra, ingliz klubi egalari yangi investorni jalb qilish imkoniyatlari haqida dastlabki muzokaralarni o‘tkazishgan. Qayd etilishicha, Gleyzerlar hali “Yunayted” ustidan to‘liq nazoratdan voz kechishga tayyor emas. Ayni paytda ular aksiyalarning kichik qismini ham sotishga qaror qilishlariga ishonch yo‘q.
2021 yil oktyabr oyida Gleyzerlar oilasi “Manchester Yunayted”ning 8 foiz ulushini 186 million dollarga sotgani xabar qilingandi.
Klubning bozor qiymati 5 milliard funtga baholanmoqda. Biznesmen Malkolm Gleyzer 2005 yilning may oyida "Manchester Yunayted"ni sotib olgandi.
