Америкалик миллиардер Глейзерлар оиласи "Манчестер Юнайтед"нинг оз миқдордаги улушини сотиши мумкин.
The Telegraph хабарига кўра, инглиз клуби эгалари янги инвесторни жалб қилиш имкониятлари ҳақида дастлабки музокараларни ўтказишган. Қайд этилишича, Глейзерлар ҳали “Юнайтед” устидан тўлиқ назоратдан воз кечишга тайёр эмас. Айни пайтда улар акцияларнинг кичик қисмини ҳам сотишга қарор қилишларига ишонч йўқ.
2021 йил октябрь ойида Глейзерлар оиласи “Манчестер Юнайтед”нинг 8 фоиз улушини 186 миллион долларга сотгани хабар қилинганди.
Клубнинг бозор қиймати 5 миллиард фунтга баҳоланмоқда. Бизнесмен Мальколм Глейзер 2005 йилнинг май ойида "Манчестер Юнайтед"ни сотиб олганди.