"Los-Anjeles Gelaksi"ning yangi a’zosi Riki Puch MLS klubidan qiziqish borligini bilgach, birinchi fikrlari nima ekanligini aytdi. U avvalroq "Barselona"da o‘ynagan.
"Bunday klub menga qiziqish bildirayotganini tasavvur ham qilolmasdim... "Los-Anjeles Gelaksi"ga chaqirilganimga ishonmasdim. Men tavakkal qilishni yaxshi ko‘raman. Bu men uchun yangi shahar va menimcha, bu ajoyib imkoniyat. Bu yosh futbolchilar uchun liga. Menga ishoning, yaqin yillarda MLSda ko‘proq yosh o‘yinchilarni ko‘rasiz”, — dedi Puch.
23 yoshli ispaniyalik futbolchi "Los-Anjeles Gelaksi"da debyutini juma kuni "Sietl"ga qarshi o‘yinda o‘tkazmoqchi.
