"Everton" yarim himoyachisi Dele Alli tez orada "Beshiktosh"ga o‘tadi. Sportitalia xabariga ko‘ra, Istanbul klubi 26 yoshli ingliz futbolchisini ijaraga oladi.

Manbaga ko‘ra, ijara shartnomasi bir mavsumga mo‘ljallangan. Shundan so‘ng istanbulliklar futbolchini 7 million yevroga sotib olish huquqiga ega bo‘ladi. Futbolchining o‘zi transferga rozi bo‘lgan.

2022 yilning qishida Dele Alli "Tottenxem"dan "Everton"ga o‘tdi. "Irislar" uchun u 13ta o‘yin o‘tkazdi, ammo samarali harakatlari bilan ajralib tura olmadi.