"Manchester Siti" "Barselona" va "PSJ" klublari qiziqish bildirayotganiga qaramay, yarim himoyachi Bernardu Silvani sotish niyatida emas, deb yozmoqda The Times.
Parij klubi 28 yoshli portugaliyalik uchun "shaharliklar"ga 60 million funt sterling berishga tayyor. Ingliz klubi, agar taklif sezilarli darajada yuqori bo‘lsa, uni jiddiy ko‘rib chiqishga rozi bo‘ladi. Shu bilan birga, futbolchining o‘zi ham, uning vakillari ham yozda ketish istagini bildirishmagan.
Qolaversa, Silva sotilsa, "Manchester Siti" o‘rniga o‘yinchi topishi kerak, yozgi transfer oynasi yopilishiga ikki hafta qoldi. Klub yangi o‘yinchi izlashga vaqt kam bo‘ladi deb hisoblamoqda va bu yozda ko‘proq pul sarflashni istamayapti. "Anderlext"dan chap qanot himoyachisi Serxio Gomesning transferi "shaharliklar" uchun bu yilgi oxirgisi bo‘lishi kutilmoqda.
Bernardu Silva "Manchester Siti"da 2017 yilning iyulidan buyon to‘p tepadi. Joriy mavsumda u 3ta uchrashuvda qatnashib, samarali harakatlari bilan ajralib tura olmadi.
Transfermarkt.com sayti yarim himoyachini 72 million funtga baholagan.
