"Манчестер Сити" "Барселона" ва "ПСЖ" клублари қизиқиш билдираётганига қарамай, ярим ҳимоячи Бернарду Силвани сотиш ниятида эмас, деб ёзмоқда The Times.

Париж клуби 28 ёшли португалиялик учун "шаҳарликлар"га 60 миллион фунт стерлинг беришга тайёр. Инглиз клуби, агар таклиф сезиларли даражада юқори бўлса, уни жиддий кўриб чиқишга рози бўлади. Шу билан бирга, футболчининг ўзи ҳам, унинг вакиллари ҳам ёзда кетиш истагини билдиришмаган.

Қолаверса, Силва сотилса, "Манчестер Сити" ўрнига ўйинчи топиши керак, ёзги трансфер ойнаси ёпилишига икки ҳафта қолди. Клуб янги ўйинчи излашга вақт кам бўлади деб ҳисобламоқда ва бу ёзда кўпроқ пул сарфлашни истамаяпти. "Андерлехт"дан чап қанот ҳимоячиси Серхио Гомеснинг трансфери "шаҳарликлар" учун бу йилги охиргиси бўлиши кутилмоқда.

Бернарду Силва "Манчестер Сити"да 2017 йилнинг июлидан буён тўп тепади. Жорий мавсумда у 3та учрашувда қатнашиб, самарали ҳаракатлари билан ажралиб тура олмади.

Transfermarkt.com сайти ярим ҳимоячини 72 миллион фунтга баҳолаган.