Madridning “Real” klubi bosh murabbiyi Karlo Anchelotti yarim himoyachi Kazemironing “Manchester Yunayted”ga transferidan norozi, deb xabar beradi El Chiringuito.
Jurnalistlarga ma’lum bo‘lishicha, italiyalik mutaxassis braziliyalik yarim himoyachini jamoaning muhim o‘yinchisi deb biladi va uning sotilishini qo‘llab-quvvatlamaydi. Anchelottining fikricha, "qaymoqranglilar" braziliyalikning o‘rniga munosib o‘rinbosar topishga ulgurmaydi.
Avvalroq OAVda "Manchester Yunayted" Kazemironi 60 million yevroga sotib olishi haqida xabarlar tarqalgandi. Mankunianliklar futbolchi bilan shartnoma shartlarini kelishib olishgan.