Мадриднинг “Реал” клуби бош мураббийи Карло Анчелотти ярим ҳимоячи Каземиронинг “Манчестер Юнайтед”га трансферидан норози, деб хабар беради El Chiringuito.
Журналистларга маълум бўлишича, италиялик мутахассис бразилиялик ярим ҳимоячини жамоанинг муҳим ўйинчиси деб билади ва унинг сотилишини қўллаб-қувватламайди. Анчелоттининг фикрича, "қаймоқранглилар" бразилияликнинг ўрнига муносиб ўринбосар топишга улгурмайди.
Аввалроқ ОАВда "Манчестер Юнайтед" Каземирони 60 миллион еврога сотиб олиши ҳақида хабарлар тарқалганди. Манкунианликлар футболчи билан шартнома шартларини келишиб олишган.
