"Napoli" yarim himoyachisi Xvicha Kvarasxeliya Italiya chempionatining 2-turi doirasidagi "Monsa"ga (4:0) qarshi o‘yin haqida ijtimoiy tarmoqlarda fikr bildirdi.
Ushbu uchrashuvda gruziyalik 21 yoshli futbolchi dubl qayd etdi. Xvicha so‘nggi uchrashuvdan olingan suratlarni ilova qilib, "Shirin uy..." deb yozdi.
1-turdagi “Verona” – “Napoli” (2:5) uchrashuvida Xvicha gol urdi va golli uzatmani amalga oshirdi. Ayni damda u Italiya chempionati to‘purarlar poygasida yetakchilik qilmoqda.