"Наполи" ярим ҳимоячиси Хвича Кварацхелия Италия чемпионатининг 2-тури доирасидаги "Монца"га (4:0) қарши ўйин ҳақида ижтимоий тармоқларда фикр билдирди.
Ушбу учрашувда грузиялик 21 ёшли футболчи дубл қайд этди. Хвича сўнгги учрашувдан олинган суратларни илова қилиб, "Ширин уй..." деб ёзди.
1-турдаги “Верона” – “Наполи” (2:5) учрашувида Хвича гол урди ва голли узатмани амалга оширди. Айни дамда у Италия чемпионати тўпурарлар пойгасида етакчилик қилмоқда.