Ispaniya chempionati navbatdagi turi doirasidagi “Atletiko Madrid” – “Vilyarreal” uchrashuvi vaqtida mezbonlar himoyachisi Mario Ermoso muxlislar bilan mushtlashib ketishiga sal qoldi, bu haqda Radio Marca xabar bermoqda.

Manba bergan xabarga ko‘ra, futbolchi maydon chizig‘ida turgan bo‘lgan, o‘shanda kichik bir guruh muxlislar jamoa haqida qo‘pol gapira boshlashgan.

Ermoso muxlislarning xatti-harakatidan g‘azablanib, ular bilan to‘qnashdi. Futbolchi reklama taxtasi ustiga chiqib, muxlislar bilan dahanaki jangga kirishdi. Yaxshiyamki, hammasi og‘zaki to‘qnashuv bilan tugadi.

Eslatib o‘tamiz, uchrashuv "matraschilar"ning 0:2 hisobidagi mag‘lubiyati bilan yakunlangandi.