Испания чемпионати навбатдаги тури доирасидаги “Атлетико Мадрид” – “Вильярреал” учрашуви вақтида мезбонлар ҳимоячиси Марио Эрмосо мухлислар билан муштлашиб кетишига сал қолди, бу ҳақда Radio Marca хабар бермоқда.
Манба берган хабарга кўра, футболчи майдон чизиғида турган бўлган, ўшанда кичик бир гуруҳ мухлислар жамоа ҳақида қўпол гапира бошлашган.
Эрмосо мухлисларнинг хатти-ҳаракатидан ғазабланиб, улар билан тўқнашди. Футболчи реклама тахтаси устига чиқиб, мухлислар билан даҳанаки жангга киришди. Яхшиямки, ҳаммаси оғзаки тўқнашув билан тугади.
Эслатиб ўтамиз, учрашув "матрасчилар"нинг 0:2 ҳисобидаги мағлубияти билан якунланганди.
