"PSJ" himoyachisi Leven Kurzava faoliyatini Angliyada davom ettirishi mumkin. Evening Standard xabariga ko‘ra, 28 yoshli fransiyalik futbolchiga "Fulxem" qiziqish bildirmoqda.
Ilgari futbolchiga "Lion" ham qiziqish bildirgan edi, ammo klub fransuzga "PSJ"da oladigan 6 million yevro maoshni to‘lashga tayyor bo‘lmagani uchun muzokaralarni to‘xtatdi.
O‘tgan mavsumda Kurzava Liga 1da 19 ta o‘yin o‘tkazib, 1 ta gol va 2 ta golli uzatmani amalga oshirdi.
Himoyachining PSJ bilan shartnomasi 2024 yilgacha mo‘ljallangan. Transfermarkt portali futbolchining narxini 5 million yevroga baholamoqda.
