"ПСЖ" ҳимоячиси Левен Курзава фаолиятини Англияда давом эттириши мумкин. Evening Standard хабарига кўра, 28 ёшли франциялик футболчига "Фулхэм" қизиқиш билдирмоқда.
Илгари футболчига "Лион" ҳам қизиқиш билдирган эди, аммо клуб французга "ПСЖ"да оладиган 6 миллион евро маошни тўлашга тайёр бўлмагани учун музокараларни тўхтатди.
Ўтган мавсумда Курзава Лига 1да 19 та ўйин ўтказиб, 1 та гол ва 2 та голли узатмани амалга оширди.
Ҳимоячининг ПСЖ билан шартномаси 2024 йилгача мўлжалланган. Transfermarkt портали футболчининг нархини 5 миллион еврога баҳоламоқда.