Chililik mutaxassis Xorxe Sampaoli Fransiyaning "Marsel" klubidan nega ketgani haqida gapirdi.

"Marsel" - bu ishtiyoq. Har safar "Velodrom" maydoniga qadam qo‘yganimda, yuragim urayotganini his qilardim. Bu klubga murabbiy bo‘lganimdan juda xursand bo‘ldim. Men baxtli edim.

Muxlislar g‘azablanayotgan og‘ir pallada keldim – ular klubning sport markaziga o‘t qo‘yishdi. Chempionlar ligasiga yo‘llanma oldik, lekin prezident bozorda ishlay olmasligimizni, transfer oynasi tugaguncha kutishimiz kerakligini aytdi. Menga bu bahs yoqmadi, jamoa tuzish uchun futbolchilar kerak edi", - deya tushuntirdi Sampaoli.