Mikel Arteta boshqaruvidagi «Arsenal»ning APL mavsumiga dadil kirishgani jamoa muxlislarini to‘lqinlantirib yuborgani tayin.
Zero, ular chempionlikni sog‘inishgan, CHL o‘yinlarini rosa qo‘msashgan. Ha, hozirgi holatda «kanonirlar»ning APL oltin medaliga chinakamiga chang solishlari qiyin masala, lekin loaqal CHL hududini ko‘zlashlari shart. Londonlik fanatlar (albatta, «Arsenal»niki) talabi ham shu.
Mana, «Arsenal» APL-2022|2023ning dastlabki 2ta turida «Kristall Pelas» va «Lester»ni dog‘da qoldirib, 6 ochko oldi. Bunday startdan so‘ng hamma yana eski mavzuga yopishdi - London klubining oxirgi chempionlikdan keyingi natijalari. Ha, «Arsenal» buyuk Arsen Venger bilan 2003G‘2004 yillar mavsumida taxtga ko‘tarilgani bo‘yicha chempionlik masalasida sukut saqlamoqda. Boz ustiga, jamoa oxirgi 5 mavsumda CHL yo‘llanmasini ham yutolmadi. «Kanonirlar» bu safar qora an’analardan loaqal bittasiga barham bera olishadimi? Barchasini vaqt va o‘yinlar ko‘rsatadi, albatta.
«ARSENAL» 2004 YILDAN BUYON APLda
1-o‘rin: 1 marta
2-o‘rin: 2 marta
3-o‘rin: 4 marta
4-o‘rin: 6 marta
5-o‘rin: 3 marta
6-o‘rin: 1 marta
7-o‘rin: -
8-o‘rin: 2 marta
***
Agar vaqtni 12 oy orqaga qaytarsak, «Arsenal»ning Premyer-Liga tarixidagi eng yomon startiga guvoh bo‘lamiz. Hozir esa klub 2004 yildan buyon ilk marta mavsum boshida qatorasiga 3 ta o‘yinda g‘alaba qozonib, peshqadamlik qilmoqda.
Shanba kuni «kanonirlar» «Bornmut»ni 3:0 hisobida yengib, 6 yil ichida birinchi marta turnir jadvalining eng yuqori pog‘onasiga ko‘tarildi va bu mavsumda hali ochko yo‘qotmagan yagona klubga aylandi.
«Uchta o‘yin, uchta g‘alaba, to‘qqizta gol urilgan, ikkita gol o‘tkazib yuborilgan – ajoyib burilish», deb yozdi GOAL.
