"Lion" himoyachisi Jerom Boateng "sherlar" bilan shartnomasini klubning xohishiga qaramasdan uzaytirmoqchi, deb xabar beradi GFFN.

Fransuz klubi rahbariyati ushbu transfer oynasida 33 yoshli nemis bilan xayrlashishga harakat qildi. Uni “Galatasaroy”ga taklif qilishdi, ammo rad javobini olishdi.

Himoyachi “Lion”ga 2021 yilning sentyabrida erkin agent sifatida qo‘shilgandi. Uning amaldagi shartnomasi 2023 yilda yakuniga etadi. Transfermarkt portali futbolchining narxini 3,5 million yevroga baholamoqda.

Boateng o‘tgan mavsumda barcha turnirlarda 27 ta o‘yinda maydonga tushib, 2 ta golli uzatmani amalga oshirgan.