"Inter" bosh murabbiyi Simone Indzagi Chempionlar ligasi qur’a natijalari haqida fikr bildirdi.

“Neradzurrilar” “C” guruhida “Bavariya”, “Barselona” va “Viktoriya Plzen” jamoalari bilan joy oldi. O‘tgan mavsumda milanliklar Chempionlar ligasida 1/8 finalga qadar etib borgandi.

“Chempionlar ligasi - juda nufuzli turnir. Bizni juda kuchli va yaxshi tashkil etilgan jamoalar kutib turibdi. Har doimgidek, biz har bir uchrashuvga eng yaxshi tarzda tayyorgarlik ko‘ramiz, har bir kichik narsani o‘rganamiz. Biz bilamizki, bu yerda oddiy o‘yinlar yo‘q.

Biz “Inter”miz, bu musobaqaga ishtiyoq bilan yondashamiz. Maqsadimiz – o‘tgan yilgi yo‘limizni davom ettirish”, — dedi Indzagi.