"Shturm" hujumchisi Rasmus Xoylunn "Atalanta" bilan shartnoma imzoladi, deya xabar beradi klub rasmiy sayti.
19 yoshli daniyalik bilan kelishuv 2027 yilning yoziga qadar mo‘ljallangan. Transfermarkt kelishuvni 17 million yevroga baholamoqda.
Joriy mavsumda Xoylunn barcha turnirlarda 8 ta o‘yinda maydonga tushib, 6 ta gol urdi va 3 ta golli uzatmani amalga oshirdi. O‘tgan mavsumda u Avstriya chempionatining 13ta o‘yinida 6ta gol urdi va assistentlik qildi.