Superliga 17-turining e’tiborli uchrashuvlaridan biri Samarqandda «Dinamo» hamda «Bunyodkor» o‘rtasida bo‘lib o‘tadi.
Kim qanday holatda?
«Dinamo» jamoasi Superliga 16-turidan keyin 7 ochko jamg‘argan holda 14-o‘rinni egallab turibdi. «Bunyodkor» esa 17 ochko jamg‘argan holda turnir jadvalida 9-o‘rinni egallab turibdi.
O‘zaro o‘yinlar: 24-to‘qnashuv
«Dinamo» va «Bunyodkor» klublari Oliy Liga tarixida o‘zaro bugungacha 23 marta to‘qnash kelgan. Bugungi o‘yin 24-to‘qnashuv sifatida tarixda qoladi. O‘zaro uchrashuvlar tarixi statistikasi «Bunyodkor» ustunligini ko‘rsatmoqda. «Bunyodkor» 19ta o‘yinda g‘olib bo‘lgan, 3ta o‘yin durang hisobida yakunlangan. «Dinamo» ushbu raqibni hozirgacha bir marta mag‘lub etgan – 2014 yilda Toshkentda Azamat Bobojonovning 90+4-daqiqada kiritgan goli evaziga. Samarqandda esa hozircha mag‘lub eta olmagan.
To‘plar nisbatida ham ustunlik «Bunyodkor» tomonida - 46:13. O‘zaro o‘yinlarda «Dinamo» 6, «Bunyodkor» esa 60 ochkoni qo‘lga kiritgan.
«Bunyodkor»ning o‘zaro o‘yinlarda qozongan eng yirik g‘alabasi – 4:0ga teng. «Dinamo»ning yagona g‘alabasi – 1:0.
Samarqandda bo‘lib o‘tgan o‘zaro so‘nggi 7 uchrashuv:
26.08.2019 «Dinamo» - «Bunyodkor» 1:2
12.10.2017 «Dinamo» - «Bunyodkor» 0:2
12.10.2015 «Dinamo» - «Bunyodkor» 1:1
06.04.2014 «Dinamo» - «Bunyodkor» 0:2
18.04.2013 «Dinamo» - «Bunyodkor» 0:3
21.05.2012 «Dinamo» - «Bunyodkor» 0:1
15.04.2011 «Dinamo» - «Bunyodkor» 0:1
Eski tanishlar...
Bugungi kunda «Bunyodkor»da to‘p surayotgan Suhrob Sultonov va Suhrob Izzatov o‘z vaqtida «Dinamo» safida to‘p surgan bo‘lsa, «Dinamo» tarkibidan Yevgeniy Chumak 2019 yilgi mavsumda «Bunyodkor» sharafini himoya qilgan.
