Record xabariga ko‘ra, "Ayntraxt" yarim himoyachisi Daichi Kamada faoliyatini "Benfika"da davom ettirishi mumkin. 26 yoshli yaponiyalik 2018 yilda nemis klubiga o‘tgan edi.

Uning amaldagi shartnomasi kelasi yilning yozida yakuniga yetadi. Transfermarkt portali futbolchining narxini 22 million yevroga baholamoqda.

Yarim himoyachi 2019 yilda Yaponiya terma jamoasida debyut qilgan. U terma jamoa safida 19 ta o‘yin o‘tkazib, 5 ta gol urdi va 3 ta golli uzatmani amalga oshirdi.

Joriy mavsumda Kamada "Ayntraxt" safida barcha turnirlarda 4 ta o‘yin o‘tkazib, 4 ta gol urishga muvaffaq bo‘ldi.