“Qo‘qon 1912” va “Metallurg” jamoalari mamlakat milliy chempionatlari doirasida 25 marta to‘qnash kelgan. Mazkur o‘yinlarning 12 tasida “Metallurg”, 11 tasida “Qo‘qon 1912” jamoasi g‘alaba qozongan. 2 ta uchrashuvda durang qayd etilgan. Kiritilgan va o‘tkazib yuborilgan to‘plar farqida poytaxt viloyati kichik ustunlikka ega – 36:34.

“Metallurg” mazkur jamoalar raqobatidagi eng yirik g‘alabasini 2000 yilgi chempionatda qo‘lga kiritgan. Bekobodliklar o‘sha mavsum o‘z maydonlarida 6:1 hisobida zafar quchgan. Qo‘qonliklarning yirik g‘alabasi 5:1 (1999) va 4:0 (2003) ko‘rinishini olgan. Jamoalarning birinchi mavsumdagi (1998) har ikkala uchrashuvida bir xil hisobli durang qayd etilgandi – 1:1.

Bu yilgi mavsumning Yaypanda o‘tgan birinchi davra uchrashuvi taqdirini 21-daqiqada Shahzodbek Nurmatov tomonidan kiritilgan yagona gol hal etgandi.

Jamoalarning Bekobodda o‘tkazilgan 12 ta o‘yinida 9 marta mezbonlar zafar quchishgan, 1 ta o‘yinda durang qayd etilgan. Yana 2 ta bahs mehmonlarning g‘alabasi bilan yakunlangan.

Quyida ushbu jamoalarning Bekobodda bo‘lib o‘tgan barcha uchrashuvi natijasi bilan tanishing:

19.09.2021. Metallurg – Qo‘qon 1912  0:1
06.03.2020. Metallurg – Qo‘qon 1912  1:0
27.04.2019. Metallurg – Qo‘qon 1912  3:1
13.07.2018. Metallurg –  Qo‘qon 1912  2:1
22.09.2017. Metallurg –  Qo‘qon 1912  3:0
30.04.2016. Metallurg –  Qo‘qon 1912  3:1
06.06.2015. Metallurg –  Qo‘qon 1912  2:1
14.05.2003. Metallurg –  Qo‘qon 1912  3:1
23.03.2002. Metallurg –  Qo‘qon 1912  0:2
20.09.2000. Metallurg –  Qo‘qon 1912  6:1
18.04.1999. Metallurg –  Qo‘qon 1912  2:0
29.05.1998. Metallurg –  Qo‘qon 1912  1:1

“Qo‘qon-1912” haqida

“Qo‘qon 1912” jamoasiga o‘tgan asrda – 1912 yilda asos solingan. Jamoa turli yillarda “Mehnat”, “Avtomobilchi” nomlari bilan musobaqalarda qatnashib kelgan. Mustaqil chempionatlarimizda esa 1992 – 2001 yillar oralig‘ida oliy liga bahslarida “Temiryo‘lchi” nomi ostida ishtirok etgan. O‘zbekiston kubogining birinchi finalchisi. 2002 yildan quyi ligaga tushib ketdi va “Qo‘qon” (2002-2008), “Bunyodkor-Qo‘qon” (2009-2011) nomlari ostida kuchlilar safiga qaytishga harakat qildi. 2012 yildan “Qo‘qon 1912” nomini olgan jamoa 2015 yildan yana oliy ligada ishtirok etib kelayapti.

Shu yillar davomida “Qo‘qon 1912” jamoasi kuchlilar safida 496 ta uchrashuv o‘tkazdi. Mazkur o‘yinlarning 176 tasida g‘alaba qozondi, 86 uchrashuvda durang qayd etdi, 234 o‘yinda esa imkoniyatni boy berdi. Kiritilgan va o‘tkazib yuborilgan to‘plar nisbati – 653:861. Jamoaning eng yirik g‘alabasi – 5:1 (1992 – “Yangiyer”, 1999 – “Metallurg”, “Andijon”), eng yirik mag‘lubiyati – 1:7 (2000 – “Paxtakor”, 2019 – AGMK).