“Қўқон 1912” ва “Металлург” жамоалари мамлакат миллий чемпионатлари доирасида 25 марта тўқнаш келган. Мазкур ўйинларнинг 12 тасида “Металлург”, 11 тасида “Қўқон 1912” жамоаси ғалаба қозонган. 2 та учрашувда дуранг қайд этилган. Киритилган ва ўтказиб юборилган тўплар фарқида пойтахт вилояти кичик устунликка эга – 36:34.

“Металлург” мазкур жамоалар рақобатидаги энг йирик ғалабасини 2000 йилги чемпионатда қўлга киритган. Бекободликлар ўша мавсум ўз майдонларида 6:1 ҳисобида зафар қучган. Қўқонликларнинг йирик ғалабаси 5:1 (1999) ва 4:0 (2003) кўринишини олган. Жамоаларнинг биринчи мавсумдаги (1998) ҳар иккала учрашувида бир хил ҳисобли дуранг қайд этилганди – 1:1.

Бу йилги мавсумнинг Яйпанда ўтган биринчи давра учрашуви тақдирини 21-дақиқада Шаҳзодбек Нурматов томонидан киритилган ягона гол ҳал этганди.

Жамоаларнинг Бекободда ўтказилган 12 та ўйинида 9 марта мезбонлар зафар қучишган, 1 та ўйинда дуранг қайд этилган. Яна 2 та баҳс меҳмонларнинг ғалабаси билан якунланган.

Қуйида ушбу жамоаларнинг Бекободда бўлиб ўтган барча учрашуви натижаси билан танишинг:

19.09.2021. Металлург – Қўқон 1912  0:1
06.03.2020. Металлург – Қўқон 1912  1:0
27.04.2019. Металлург – Қўқон 1912  3:1
13.07.2018. Металлург –  Қўқон 1912  2:1
22.09.2017. Металлург –  Қўқон 1912  3:0
30.04.2016. Металлург –  Қўқон 1912  3:1
06.06.2015. Металлург –  Қўқон 1912  2:1
14.05.2003. Металлург –  Қўқон 1912  3:1
23.03.2002. Металлург –  Қўқон 1912  0:2
20.09.2000. Металлург –  Қўқон 1912  6:1
18.04.1999. Металлург –  Қўқон 1912  2:0
29.05.1998. Металлург –  Қўқон 1912  1:1

“Қўқон-1912” ҳақида

“Қўқон 1912” жамоасига ўтган асрда – 1912 йилда асос солинган. Жамоа турли йилларда “Меҳнат”, “Автомобилчи” номлари билан мусобақаларда қатнашиб келган. Мустақил чемпионатларимизда эса 1992 – 2001 йиллар оралиғида олий лига баҳсларида “Темирйўлчи” номи остида иштирок этган. Ўзбекистон кубогининг биринчи финалчиси. 2002 йилдан қуйи лигага тушиб кетди ва “Қўқон” (2002-2008), “Бунёдкор-Қўқон” (2009-2011) номлари остида кучлилар сафига қайтишга ҳаракат қилди. 2012 йилдан “Қўқон 1912” номини олган жамоа 2015 йилдан яна олий лигада иштирок этиб келаяпти.

Шу йиллар давомида “Қўқон 1912” жамоаси кучлилар сафида 496 та учрашув ўтказди. Мазкур ўйинларнинг 176 тасида ғалаба қозонди, 86 учрашувда дуранг қайд этди, 234 ўйинда эса имкониятни бой берди. Киритилган ва ўтказиб юборилган тўплар нисбати – 653:861. Жамоанинг энг йирик ғалабаси – 5:1 (1992 – “Янгиер”, 1999 – “Металлург”, “Андижон”), энг йирик мағлубияти – 1:7 (2000 – “Пахтакор”, 2019 – АГМК).