Mundo Deportivo xabariga ko‘ra, "Arsenal" himoyachisi Ektor Belyerin faoliyatini "Barselona"da davom ettirish uchun maoshini kamaytirishga tayyor.

27 yoshli ispaniyalik futbolchiga "Betis" ham da’vogarlik qilgandi, ammo u Kataloniya klubiga o‘tishni afzal ko‘rmoqda.

Shu bilan birga, Belyerin "ko‘k-anorranglilar"ning iqtisodiy qiyinchiliklarini hisobga olgan holda, moliyaviy jihatdan ancha kam foydali shartnomani qabul qilishga tayyorligini bildirdi.

Oldinroq, Belyerin erkin agent sifatida boshqa klubga o‘tish uchun "Arsenal" bilan shartnomani bekor qilmoqchi ekani haqida xabarlar tarqalgan edi.

2021/22 yilgi mavsumda himoyachi ijara asosida o‘ynagan "Betis" safida 32 ta o‘yinda 5 ta golli uzatmani amalga oshirgan. Transfermarkt.com portali futbolchini 20 million yevroga baholamoqda.