Mundo Deportivo хабарига кўра, "Арсенал" ҳимоячиси Эктор Бельерин фаолиятини "Барселона"да давом эттириш учун маошини камайтиришга тайёр.
27 ёшли испаниялик футболчига "Бетис" ҳам даъвогарлик қилганди, аммо у Каталония клубига ўтишни афзал кўрмоқда.
Шу билан бирга, Бельерин "кўк-анорранглилар"нинг иқтисодий қийинчиликларини ҳисобга олган ҳолда, молиявий жиҳатдан анча кам фойдали шартномани қабул қилишга тайёрлигини билдирди.
Олдинроқ, Бельерин эркин агент сифатида бошқа клубга ўтиш учун "Арсенал" билан шартномани бекор қилмоқчи экани ҳақида хабарлар тарқалган эди.
2021/22 йилги мавсумда ҳимоячи ижара асосида ўйнаган "Бетис" сафида 32 та ўйинда 5 та голли узатмани амалга оширган. Transfermarkt.com портали футболчини 20 миллион еврога баҳоламоқда.
