"Inter" bosh murabbiyi Simone Indzagi Italiya chempionatining 4-turida "Kremoneze" ustidan qozonilgan g‘alaba (3:1) haqida fikr bildirdi.
"Men juda xursandman, chunki bu mavsumda ancha yaxshi natijalarga loyiq bo‘lgan kremonlar jamoasini mag‘lub etish oson bo‘lmadi. Juma kuni biz "Lasio"ga qarshi birinchi bo‘limda yaxshi o‘ynadik, ammo keyin o‘yin o‘zgarib ketdi. Agar Denzel Dyumfris hisob 1:1 bo‘lib turgan vaziyatdagi imkoniyatdan foydalanganida, umuman boshqa o‘yin haqida gapirgan bo‘lardik.
Biz o‘tgan mavsumdagidan bir ochko yaxshimiz, ammo bu faqat boshlanishi va biz hali oldinda uzoq yo‘l borligini bilamiz. Biz yaxshiroq bo‘lishimiz kerak. “Inter”dan umidlar har doim yuqori. "Lasio"ga yutqazish haqida juda ko‘p gapirilgan bo‘lishi mumkin, ammo men bunga qarshi emasman, chunki bu bizga qo‘shimcha kuch berdi. Biz bu o‘yinni tahlil qildik va bugun yaxshi o‘ynadik", - dedi Indzagi DAZN bilan suhbatda.
“Inter” 9 ochko jamg‘arib, A Seriya turnir jadvalida ikkinchi o‘rinda bormoqda.
A Seriyaning navbatdagi turida “neradzurrilar” 3 sentyabr kuni “Milan”ga qarshi bahs olib boradi.
