"Интер" бош мураббийи Симоне Индзаги Италия чемпионатининг 4-турида "Кремонезе" устидан қозонилган ғалаба (3:1) ҳақида фикр билдирди.

"Мен жуда хурсандман, чунки бу мавсумда анча яхши натижаларга лойиқ бўлган кремонлар жамоасини мағлуб этиш осон бўлмади. Жума куни биз "Лацио"га қарши биринчи бўлимда яхши ўйнадик, аммо кейин ўйин ўзгариб кетди. Агар Дензел Дюмфрис ҳисоб 1:1 бўлиб турган вазиятдаги имкониятдан фойдаланганида, умуман бошқа ўйин ҳақида гапирган бўлардик.

Биз ўтган мавсумдагидан бир очко яхшимиз, аммо бу фақат бошланиши ва биз ҳали олдинда узоқ йўл борлигини биламиз. Биз яхшироқ бўлишимиз керак. “Интер”дан умидлар ҳар доим юқори. "Лацио"га ютқазиш ҳақида жуда кўп гапирилган бўлиши мумкин, аммо мен бунга қарши эмасман, чунки бу бизга қўшимча куч берди. Биз бу ўйинни таҳлил қилдик ва бугун яхши ўйнадик", - деди Индзаги DAZN билан суҳбатда.

“Интер” 9 очко жамғариб, А Серия турнир жадвалида иккинчи ўринда бормоқда.

А Сериянинг навбатдаги турида “нерадзуррилар” 3 сентябрь куни “Милан”га қарши баҳс олиб боради.