"Sevilya"dan "Ayaks"ga o‘tayotgan yarim himoyachi Lukas Okamposning transferi xavf ostida.

De Telegraaf xabariga ko‘ra, klublar yarim himoyachini 20 million yevro evaziga transfer qilishga rozi bo‘lishgan, biroq keyin "Ayaks" rahbariyati bu summani juda katta deb hisoblagan, shuningdek, Okamposga bunday katta maosh berishga arzimaydi degan qarorga kelgan. Natijada bugun ertalab “Ayaks” kelishuvdan chiqdi.

"Ayaks"dagi manbalarning aytishicha, futbolchi tibbiy ko‘rikdan o‘tish uchun allaqachon Amsterdamga uchib bo‘lgan, biroq Niderlandiya klubining rejalaridagi o‘zgarishlardan xabar topgach, u Andalusiyaga qaytgan.

Vaziyat Antonining "Manchester Yunayted"ga sotilishiga qarshi chiqqan va klub qaroridan g‘azablangan "Ayaks" bosh murabbiyi Alfred Shroyderga zarba bo‘ldi. Okampos braziliyalikning o‘rniga sifatli bo‘lishi mumkin edi.

O‘shanda "Sevilya" Okamposni arzonroq sotishga tayyorligi haqida ma’lumot paydo bo‘ldi, chunki klubga o‘tayotgan Adnan Yanuzayni ro‘yxatdan o‘tkazish uchun ularga bu transfer kerak edi. Shu munosabat bilan ispanlar “Ayaks”ga Okamposni 15 million yevro evaziga sotib olishni taklif qilishdi.

Yaqin soatlarda "Ayaks" direktorlar kengashi ushbu shartlar bo‘yicha kelishuvni ma’qullaydimi yoki yo‘qmi aniq bo‘ladi.

Okampos o‘tgan mavsumda "Sevilya" safida 42 o‘yinda 9 gol urdi va 6 golga assistentlik qildi. U joriy mavsumda La Liganing uchta o‘yinida maydonga tushdi va gol ura olmadi.