"Севилья"дан "Аякс"га ўтаётган ярим ҳимоячи Лукас Окампоснинг трансфери хавф остида.
De Telegraaf хабарига кўра, клублар ярим ҳимоячини 20 миллион евро эвазига трансфер қилишга рози бўлишган, бироқ кейин "Аякс" раҳбарияти бу суммани жуда катта деб ҳисоблаган, шунингдек, Окампосга бундай катта маош беришга арзимайди деган қарорга келган. Натижада бугун эрталаб “Аякс” келишувдан чиқди.
"Аякс"даги манбаларнинг айтишича, футболчи тиббий кўрикдан ўтиш учун аллақачон Амстердамга учиб бўлган, бироқ Нидерландия клубининг режаларидаги ўзгаришлардан хабар топгач, у Андалусияга қайтган.
Вазият Антонининг "Манчестер Юнайтед"га сотилишига қарши чиққан ва клуб қароридан ғазабланган "Аякс" бош мураббийи Алфред Шройдерга зарба бўлди. Окампос бразилияликнинг ўрнига сифатли бўлиши мумкин эди.
Ўшанда "Севилья" Окампосни арзонроқ сотишга тайёрлиги ҳақида маълумот пайдо бўлди, чунки клубга ўтаётган Аднан Янузайни рўйхатдан ўтказиш учун уларга бу трансфер керак эди. Шу муносабат билан испанлар “Аякс”га Окампосни 15 миллион евро эвазига сотиб олишни таклиф қилишди.
Яқин соатларда "Аякс" директорлар кенгаши ушбу шартлар бўйича келишувни маъқуллайдими ёки йўқми аниқ бўлади.
Окампос ўтган мавсумда "Севилья" сафида 42 ўйинда 9 гол урди ва 6 голга ассистентлик қилди. У жорий мавсумда Ла Лиганинг учта ўйинида майдонга тушди ва гол ура олмади.
