"Roma" bitta futbolchi sotib oldi, ikkitasini sotdi.

Rimliklar “Olimpiakos” yarim himoyachisi Madi Kamarani mavsum oxirigacha ijaraga olgani haqida avvalroq xabar bergan edik.

Janluka Di Marsioning ma’lumotiga ko‘ra, A Seriya klubi Kamaraning ijarasi uchun 1,5 million to‘laydi, sotib olish imkoniyati 11,5 million yevro. Gvineya terma jamoasi futbolchisi mavsumda 1,2 million yevro ishlab oladi, agar xavbek sotib olinsa, maoshi 1,7 millionga ko‘tariladi.

Shuningdek, kecha "Roma" yarim himoyachisi Amadu Diavara "Anderlext"ga o‘tdi. Belgiya klubi bonuslarni hisobga olgan holda 3 million yevro to‘laydi, rimliklar esa kelajakda qayta sotish summasining 50% huquqini saqlab qoladi.

Bundan tashqari, “Roma” himoyachisi Rikkardo Kalafyori “Bazel”ga ko‘chib o‘tdi. 20 yoshli futbolchi uchun "bo‘rilar" 1,5 million yevro, bonuslar oladi va kelajakda qayta sotish summasining 40% huquqini saqlab qoladi.