"Manchester Yunayted" "Ayaks"dan hujumchi Antoni transferini yakunladi.
Ingliz klubi matbuot xizmati 22 yoshli futbolchi bilan 2027 yilgacha mo‘ljallangan shartnoma imzolagani haqida xabar berdi. Unda shartnomani yana bir mavsumga uzaytirish imkoniyati mavjud.
30 avgust kuni “Ayaks” Antoni “Manchester Yunayted”ga 100 million yevro evaziga o‘tganini e’lon qildi. Amsterdamliklar 95 millionini kafolatlangan to‘lovlar, yana 5 millionini bonus sifatida oladi.
Antoni joriy mavsumda "Ayaks" safida barcha turnirlarda 3 ta o‘yinda 2 ta gol urdi va 2 ta golli uzatmani amalga oshirdi.
