"Manchester Siti" rasmiy sayti orqali Dortmundning "Borussiya" klubi himoyachisi Manuel Akanji bilan shartnoma imzolaganini e’lon qildi.
27 yoshli shveysariyalikning transferi bo‘yicha bitim summasi 17,5 million yevroni tashkil qilgan. Shartnoma muddati 2027 yilgacha hisoblangan.
Akanji 2018 yilning yanvaridan beri Dortmundning "Borussiya"sida o‘ynab kelayotgan edi. Nemis klubi tarkibida himoyachi 2019 yilgi Germaniya Superkubogi va 2020/21 yilgi mamlakat kubogini qo‘lga kiritdi.
O‘tgan mavsumda futbolchi "Borussiya" safida 36 ta o‘yin o‘tkazib, 1 ta gol urgan. Transfermarkt portali futbolchining narxini 30 million yevroga baholamoqda.