"Манчестер Сити" расмий сайти орқали Дортмунднинг "Боруссия" клуби ҳимоячиси Мануэль Аканжи билан шартнома имзолаганини эълон қилди.
27 ёшли швейцарияликнинг трансфери бўйича битим суммаси 17,5 миллион еврони ташкил қилган. Шартнома муддати 2027 йилгача ҳисобланган.
Аканжи 2018 йилнинг январидан бери Дортмунднинг "Боруссия"сида ўйнаб келаётган эди. Немис клуби таркибида ҳимоячи 2019 йилги Германия Суперкубоги ва 2020/21 йилги мамлакат кубогини қўлга киритди.
Ўтган мавсумда футболчи "Боруссия" сафида 36 та ўйин ўтказиб, 1 та гол урган. Transfermarkt портали футболчининг нархини 30 миллион еврога баҳоламоқда.