"Arsenal" yarim himoyachisi Martin Edegor jamoaning Angliya Premyer-ligasining joriy mavsumini muvaffaqiyatli boshlagani haqida gapirdi. “Kanonirlar” beshta g‘alabaga erishib, 100 foizlik natija bilan turnir jadvalida peshqadamlik qilmoqda.

“Hozir jamoada o‘ziga xos muhit hukm surmoqda. Barcha o‘yinchilar bir butunga birlashgan, har biri bir-biriga yordam berishga tayyor. Bu maydondagi va undan tashqaridagi vaziyatga ham tegishli. Biz bir-birimizni qo‘llab-quvvatlashga tayyormiz", - deb norvegiyalik yarim himoyachining so‘zlaridan iqtibos keltiradi The Sun tabloidi.

Premyer-liganing 6-turi doirasida Mikel Arteta shogirdlari safarda “Manchester Yunayted”ga qarshi bahs olib borishadi. O‘yin 4 sentyabr kuni "Old Trafford"da bo‘lib o‘tadi.