"Арсенал" ярим ҳимоячиси Мартин Эдегор жамоанинг Англия Премьер-лигасининг жорий мавсумини муваффақиятли бошлагани ҳақида гапирди. “Канонирлар” бешта ғалабага эришиб, 100 фоизлик натижа билан турнир жадвалида пешқадамлик қилмоқда.
“Ҳозир жамоада ўзига хос муҳит ҳукм сурмоқда. Барча ўйинчилар бир бутунга бирлашган, ҳар бири бир-бирига ёрдам беришга тайёр. Бу майдондаги ва ундан ташқаридаги вазиятга ҳам тегишли. Биз бир-биримизни қўллаб-қувватлашга тайёрмиз", - деб норвегиялик ярим ҳимоячининг сўзларидан иқтибос келтиради The Sun таблоиди.
Премьер-лиганинг 6-тури доирасида Микель Артета шогирдлари сафарда “Манчестер Юнайтед”га қарши баҳс олиб боришади. Ўйин 4 сентябр куни "Олд Траффорд"да бўлиб ўтади.
