"Barselona" Dortmundning "Borussiya" klubi o‘ng qanot himoyachisi Toma Menyega qiziqish bildirmoqda.
As xabariga ko‘ra, 30 yoshli futbolchi "Barselona"ning o‘ng qanotini kuchaytirish uchun birinchi tanloviga aylandi. Endi u "Barsa" ko‘rib chiqqan boshqa nomzodlardan biroz ustunlikka ega. Ular orasida “Vilyarreal”dan Xuan Foyt va “Arsenal”dan Ektor Belyerin ham bor edi.
Ayni damda transferga yagona to‘siq moliyaviy feyr-pley talablari bo‘lib turibdi, bu talablarga "Barselona" hali javob bermayapti. Menyening transferini amalga oshirish uchun klub kamida uchta futbolchi bilan xayrlashishi kerak. Ular, ehtimol, Serjinyo Dest, Pyer-Emerik Obameyang va Martin Breytueyt bo‘lishadi.
Agar ular ketsa, "Barsa"da Menyeni qo‘lga kiritish uchun maosh bo‘yicha bo‘sh joy qoladi.
Transfer qanday shartlar asosida amalga oshirilishi hozircha malum emas. Dortmundning "Borussiya" klubi futbolchi uchun 15 million yevro so‘ramoqda, ammo "Barsa" narxini pasaytirishiga ishonmoqda. Muzokaralar davom etmoqda.
Markos Alonso va Menyening transferlari "Barselona"ning ushbu transfer oynasidagi oxirgisi bo‘ladi.
Belgiyalik futbolchi o‘tgan mavsumda dortmundliklar safida 26 ta o‘yinda maydonga tushib, 2 ta gol urdi va 5 ta golga assistentlik qildi. Joriy mavsumda u to‘rtta o‘yinda ishtirok etdi va samarali harakatlari bilan ajralib turmadi.