"Барселона" Дортмунднинг "Боруссия" клуби ўнг қанот ҳимоячиси Тома Меньега қизиқиш билдирмоқда.
As хабарига кўра, 30 ёшли футболчи "Барселона"нинг ўнг қанотини кучайтириш учун биринчи танловига айланди. Энди у "Барса" кўриб чиққан бошқа номзодлардан бироз устунликка эга. Улар орасида “Вильярреал”дан Хуан Фойт ва “Арсенал”дан Эктор Бельерин ҳам бор эди.
Айни дамда трансферга ягона тўсиқ молиявий фейр-плей талаблари бўлиб турибди, бу талабларга "Барселона" ҳали жавоб бермаяпти. Меньенинг трансферини амалга ошириш учун клуб камида учта футболчи билан хайрлашиши керак. Улар, эҳтимол, Сержиньо Дест, Пьер-Эмерик Обамеянг ва Мартин Брейтуэйт бўлишади.
Агар улар кетса, "Барса"да Меньени қўлга киритиш учун маош бўйича бўш жой қолади.
Трансфер қандай шартлар асосида амалга оширилиши ҳозирча малум эмас. Дортмунднинг "Боруссия" клуби футболчи учун 15 миллион евро сўрамоқда, аммо "Барса" нархини пасайтиришига ишонмоқда. Музокаралар давом этмоқда.
Маркос Алонсо ва Меньенинг трансферлари "Барселона"нинг ушбу трансфер ойнасидаги охиргиси бўлади.
Бельгиялик футболчи ўтган мавсумда дортмундликлар сафида 26 та ўйинда майдонга тушиб, 2 та гол урди ва 5 та голга ассистентлик қилди. Жорий мавсумда у тўртта ўйинда иштирок этди ва самарали ҳаракатлари билан ажралиб турмади.
