"Barselona" hujumchisi Pyer-Emerik Obameyangni "Chelsi" himoyachisi Markos Alonsoga almashtirishga rozi bo‘ldi, deb yozadi insayder Fabrisio Romano Twitter sahifasida. Londonliklar shuningdek 14 million yevro ham to‘laydilar.
33 yoshli gabonlik 2+1 ko‘rinishidagi shartnoma imzolash uchun bugun Londonga uchib ketishi kutilmoqda.
31 yoshli Alonso "Barsa" bilan 3 yillik shartnoma imzolaydi.
Joriy mavsumda Obameyang kataloniyaliklar safida La Ligada bitta o‘yinda qatnashdi va samarali harakatlari bilan ajralib turmadi. Uning "ko‘k-anorranglilar" bilan shartnomasi 2025 yilning 30 iyuniga qadar mo‘ljallangan.
