"Барселона" ҳужумчиси Пьер-Эмерик Обамеянгни "Челси" ҳимоячиси Маркос Алонсога алмаштиришга рози бўлди, деб ёзади инсайдер Фабрицио Романо Twitter саҳифасида. Лондонликлар шунингдек 14 миллион евро ҳам тўлайдилар.
33 ёшли габонлик 2+1 кўринишидаги шартнома имзолаш учун бугун Лондонга учиб кетиши кутилмоқда.
31 ёшли Алонсо "Барса" билан 3 йиллик шартнома имзолайди.
Жорий мавсумда Обамеянг каталонияликлар сафида Ла Лигада битта ўйинда қатнашди ва самарали ҳаракатлари билан ажралиб турмади. Унинг "кўк-анорранглилар" билан шартномаси 2025 йилнинг 30 июнига қадар мўлжалланган.