"Shaxtyor" yarim himoyachisi Mixail Mudrik yozda jamoasini tark etmaydi. Jurnalist Fabrisio Romanoning so‘zlariga ko‘ra, "konchilar" ukrainalik futbolchini belgilangan muddatdan oldin qo‘yib yuborish niyatida emas.
Avvalroq, "Shaxtyor" "Everton" va "Brentford" klublarining 30 million yevrolik taklifini rad etgandi. Londonning "Arsenal" jamoasidan qiziqish bo‘layotgani haqida mish-mishlar tarqaldi, ammo "kanonirlar" hozircha hech qanday taklif bilan chiqqani yo‘q.
Eslatib o‘tamiz, Mudrik Ukraina chempionatining yangi mavsumida bitta samarali uzatmani amalga oshirgandi. Futbolchining o‘zi Angliya Premyer-ligasiga o‘tishga tayyor.
Premyer-liga klublaridan tashqari yarim himoyachiga avvalroq Leverkuzenning "Bayer" klubi qiziqish bildirayotgandi.
