Madridning “Real” klubi himoyachisi Dani Karvaxalni tunamoqchi bo‘lishdi.
El Confidencial nashrining huquq-tartibot organlaridagi manbalariga tayanib xabar berishicha, polisiya futbolchining murojaatidan so‘ng surishtiruv ishlarini boshlagan. Metall qurollar bilan qurollangan odamlar Karvaxalning uyiga kirishga harakat qilishgan. Videokuzatuv kamerasi kamida ikki kishining 30 yoshli futbolchining uyiga kirishga urinayotganini yozib oldi. O‘g‘rilar signaldan qo‘rqib ketishdi.
Qayd etilishicha, talonchilikka urinish dushanbadan seshanbaga o‘tar kechasi sodir bo‘lgan. O‘sha paytda Karvaxal uyda yo‘q edi.
2022/2023 yilgi mavsumda Dani Karvaxal "Real"ning uchta o‘yinida 159 daqiqa o‘ynadi.
