Мадриднинг “Реал” клуби ҳимоячиси Дани Карвахални тунамоқчи бўлишди.
El Confidencial нашрининг ҳуқуқ-тартибот органларидаги манбаларига таяниб хабар беришича, полиция футболчининг мурожаатидан сўнг суриштирув ишларини бошлаган. Металл қуроллар билан қуролланган одамлар Карвахалнинг уйига киришга ҳаракат қилишган. Видеокузатув камераси камида икки кишининг 30 ёшли футболчининг уйига киришга уринаётганини ёзиб олди. Ўғрилар сигналдан қўрқиб кетишди.
Қайд этилишича, талончиликка уриниш душанбадан сешанбага ўтар кечаси содир бўлган. Ўша пайтда Карвахаль уйда йўқ эди.
2022/2023 йилги мавсумда Дани Карвахаль "Реал"нинг учта ўйинида 159 дақиқа ўйнади.
