"Barselona" yarim himoyachisi Frenki de Yong jamoada qoladi, deya xabar beradi insayder Fabrisio Romano.
Yozgi transfer oynasida "Barselona" futbolchini sotmoqchi yoki uning shaxsiy shartnomasini klub foydasiga qayta ko‘rib chiqishga majbur qilmoqchi edi.
27 avgust kuni 25 yoshli niderlandiyalik futbolchi va uning agenti kataloniyaliklar bilan kelishuvni qayta qurish bo‘yicha muzokaralarni boshlagani ma’lum bo‘ldi.
De Yong joriy mavsum kataloniyaliklar safida 2 ta o‘yinda maydonga tushdi va gol ura olmadi. Uning klub bilan shartnomasi 2026 yilning 30 iyuniga qadar amal qiladi.
