"Барселона" ярим ҳимоячиси Френки де Йонг жамоада қолади, дея хабар беради инсайдер Фабрицио Романо.
Ёзги трансфер ойнасида "Барселона" футболчини сотмоқчи ёки унинг шахсий шартномасини клуб фойдасига қайта кўриб чиқишга мажбур қилмоқчи эди.
27 август куни 25 ёшли нидерландиялик футболчи ва унинг агенти каталонияликлар билан келишувни қайта қуриш бўйича музокараларни бошлагани маълум бўлди.
Де Йонг жорий мавсум каталонияликлар сафида 2 та ўйинда майдонга тушди ва гол ура олмади. Унинг клуб билан шартномаси 2026 йилнинг 30 июнига қадар амал қилади.
