Tez orada "Lids" klubiga o‘tishi kerak bo‘lgan "Marsel" hujumchisi Bamba Dyeng Fransiyaning "Nissa" jamoasiga o‘tadigan bo‘ldi.
Italiyalik jurnalist Fabrisio Romano o‘zining ijtimoiy tarmoqlardagi sahifasida xabar berishicha, senegallik futbolchi va uning agenti aynan aeroportda Fransiya klubi vakillari bilan muzokara o‘tkazgan va bu "Lids" rahbariyatini g‘azablantirgan.
Insayderning so‘zlariga ko‘ra, bir kun avval ingliz klubi "Marsel" bilan ham, Dyengning o‘zi bilan ham to‘liq kelishuvga erishgan. Voqeadan so‘ng "Lids" hujumchi bo‘yicha muzokaralarni butunlay to‘xtatishga qaror qildi.
Fransiya chempoinatining so‘nggi mavsumida Bamba Dyeng “Marsel” safida 25 ta uchrashuv o‘tkazib, 7 ta gol (shundan bittasi penaltidan) va bitta golli uzatmaga mualliflik qilgan. Transfermarkt portali futbolchini 10 million yevroga baholamoqda.
