"Fenerbaxche" boshqaruv a’zosi Selaxattin Baki SE muxbiri bilan suhbatda "Manchester Yunayted" hujumchisi Krishtianu Ronalduning Istanbul klubiga o‘tishi mumkinligi haqidagi xabarga munosabat bildirdi.
"Bu men oxirgi paytlarda eshitgan eng katta yolg‘on", dedi Baki.
- Demak, sizda qiziqish ham yo‘q edi?
— Men allaqachon savolingizga javob berdim.
Avvalroq Turkiyaning "Ajnasspor" sayti klublar 37 yoshli portugaliyalikning transferi bo‘yicha kelishuvga erishgani haqida xabar bergandi.
Joriy mavsumda Ronaldu mankunianliklar safida 4ta o‘yinda ishtirok etdi va samarali harakatlari bilan ajralib turmadi. Hujumchining klub bilan shartnomasi 2023 yilning 30 iyuniga qadar amal qiladi.
Angliyada yozgi transfer oynasi 1 sentyabrdan 2 sentyabrga o‘tar kechasi Toshkent vaqti bilan soat 03.00da yopiladi. Turkiyada esa 8 sentyabrgacha ochiq bo‘ladi.













