"Real" bir haftadan keyin 37 yoshga to‘ladigan Luka Modrich bilan shartnomani uzaytirmoqchi.

Marca nashrining xabariga ko‘ra, Madrid klubi yarim himoyachi bilan yana bir mavsumga shartnoma imzolashdan xursand bo‘ladi.

Modrichning bu boradagi pozisiyasi hozircha noma’lum. Bu ko‘p jihatdan "Real" uchun mavsum qanday o‘tishiga bog‘liq bo‘ladi. Lukaning qaroriga uning o‘yin darajasi, jamoaning natijalari, shuningdek, jarohatlar ta’sir qiladi.

Xorvatiyalik futbolchining Madrid klubi bilan shartnomasi shu yozgacha amalda edi, biroq iyun oyi boshida shartnoma yana bir mavsumga uzaytirildi.

Modrich joriy mavsumda "Real" safida La Liganing uchta o‘yinida bitta gol kiritdi va bitta golga assistentlik qildi.