"PSJ" "Manchester Siti"ga Neymarni sotib olishni taklif qildi, biroq rad javobini oldi.

Diario Sport nashrining xabariga ko‘ra, parijliklar "Manchester Siti" bilan bog‘lanib, unga braziliyalik futbolchini o‘z saflariga qo‘shib olishni taklif qilgan, ammo "shaharliklar" bosh murabbiyi Pep Gvardiola bu taklifni qat’iyan rad etgan, chunki Neymarning transferi kiyinish xonasidagi muhitni buzishi mumkin deb hisoblagan.

"PSJ"ga yaqin manbalarning ta’kidlashicha, "PSJ" Neymar bilan xayrlashmoqchi bo‘lganiga braziliyalik futbolchining ba’zi jamoadoshlari bilan munosabatlari keskinlashgan.

Avvalroq Neymarning "PSJ" hujumchisi Kilian Mbappe bilan janjallashgani haqida ma’lumotlar paydo bo‘lgandi. Shuningdek, fransiyalik futbolchi klub rahbariyatidan Neymarni sotishni so‘ragani xabar qilingandi.

Joriy mavsumda 30 yoshli forvard Liga 1ning 5 ta uchrashuvida 7 ta gol urdi va 6 ta golli uzatmaga mualliflik qildi.