"ПСЖ" "Манчестер Сити"га Неймарни сотиб олишни таклиф қилди, бироқ рад жавобини олди.
Diario Sport нашрининг хабарига кўра, парижликлар "Манчестер Сити" билан боғланиб, унга бразилиялик футболчини ўз сафларига қўшиб олишни таклиф қилган, аммо "шаҳарликлар" бош мураббийи Пеп Гвардиола бу таклифни қатъиян рад этган, чунки Неймарнинг трансфери кийиниш хонасидаги муҳитни бузиши мумкин деб ҳисоблаган.
"ПСЖ"га яқин манбаларнинг таъкидлашича, "ПСЖ" Неймар билан хайрлашмоқчи бўлганига бразилиялик футболчининг баъзи жамоадошлари билан муносабатлари кескинлашган.
Аввалроқ Неймарнинг "ПСЖ" ҳужумчиси Килиан Мбаппе билан жанжаллашгани ҳақида маълумотлар пайдо бўлганди. Шунингдек, франциялик футболчи клуб раҳбариятидан Неймарни сотишни сўрагани хабар қилинганди.
Жорий мавсумда 30 ёшли форвард Лига 1нинг 5 та учрашувида 7 та гол урди ва 6 та голли узатмага муаллифлик қилди.
