O‘tgan yozda transfer daromadlari bo‘yicha klublar ro‘yxatida "Ayaks" birinchi o‘rinni egalladi.

Voetball International xabariga ko‘ra, Niderlandiya klubi yozgi transfer oynasida 216,2 million yevro ishlab topgan.

"Ayaks"ning yirik savdolari qatoriga Antoni va Lisandro Martines (ikkalasi ham aManchester Yunayted"), Sebastyan Aller ("Borussiya" Dortmund) va Rayan Gravenberx ("Bavariya") kiradi.

Ro‘yxatda ikkinchi o‘rinni “Manchester Siti” (159,9 million yevro), uchinchi o‘rinni “Benfika” (127,3 million yevro) egalladi.

Bu yozda o‘yinchilarni sotish bo‘yicha eng yaxshi 10 ta klub quyidagilar:

1. «Ayaks» — 216,2 mln yevro;

2. «Manchester Siti» — 159,9 mln yevro;

3. «Benfika» — 127,3 mln yevro;

4. «Sporting» — 119,8 mln yevro;

5. «Monako» — 117 mln yevro;

6. «Brayton» — 113,9 mln yevro;

7. «Lids» — 108,2 mln yevro;

8. «Bavariya» — 104,4 mln yevro;

9. «Yuventus» — 103,2 mln yevro;

10. «Lill» — 99 mln yevro.